Boklansering

Boklansering

Arrangement

Håkon Hartvedt har skrive bok om skipsredar, fiskar, lærar og politikar Inge Halsteinsen.
14. oktober vert boka lansert på Fitjar.

Dato / tid
14.10.2020, 18:00 - 20:00


Praktbok

Boka «Samfunnsbyggjar. Med Hauge i bagasjen» er utgjeven på Fitjarposten forlag.

Håkon Hartvedt har hatt mange og gode samtalar med Inge noko som har resultert i ei praktbok.

Boka vert lansert i kultursalen i Fitjar kultur og idrettsbygg.

På lanseringskvelden vert det underhaldning, samtale mellom Håkon Hartvedt og Inge Halsteinsen. Inge fortel frå barndommen sin i Bekkjarvik, då Bekkjarvik var ein del av Fitjar kommune. Det vert også moglegheit for å kjøpe boka og få den signert.

Grunna smittevernhensyn er det avgrensa plassar og påmelding. Ring 53458513, send ein epost til biblioteket@fitjar.kommune.no eller send ei messengermelding for å melde deg på. Me noterer namn og tal billettar.

Leiar i Sunnhordland Senioruniversitet, Svein Kåre Meling, skriv om boka:

«Eg har lese gjennom manuset og finn boka engasjerande og truverdig som forteljing om livet til fiskaren og fiskereiaren. Boka tek oss med på ei reise prega av opp- og nedturar, fortviling og framtidstru.
Me får møta ekte menneske med arbeidskraft og -lyst, vågemot og, framfor alt, pågangsmot. Ikkje minst blir me kjende med heidersmannen Inge Halstensen, lektoren, fiskaren, reiaren og samfunnsbyggjaren trygt forankra i haugiansk ånd.
Boka er eit ærleg vitnemål om livet i eit fiskarsamfunn, og vil utvilsamt vera interessant for lesarar langt utover Austevoll. Ho er velskriven, har mykje informasjon og ei mengd gode bilete.
Alt i alt ser eg dette som ei praktbok prega av kvalitet både i tekst og bilete.»