Tilbod til barnehagar
Fitjar folkebibliotek ønsker å vere ein god støttespelar for barnehagane og ser på det som svært sentralt at barn vert kjent med forteljingar og får oppleva gleda av å lese bøker. Me tilbyr følgande til barnehagane i Fitjar:
Bibliotekbesøk
Biblioteket tek gjerne imot besøk av barnehagar. Avtal gjerne besøket på førehand. Det er stor stas å få besøke biblioteket og låne bøker!
Eventyrstund
Me inviterer gjerne barnehagane på besøk for å fortelje eventyr og lese frå nyare barnelitteratur. Alle barnehagane i Fitjar får tilbod om eventyrstund minimum 2 gongar i året. For å nå dei minste barna, besøker me gjerne barnehagane.
Bokkoffert
Ein bokkoffert inneheld ei illustrert barnebok, tilhøyrande leiker og ting som samsvarar med forteljinga i boka. Koffertane med innhald skal bidra til læring av omgrep, språkutvikling, samtalar, lytting og undring over alt som kan skje i bøkenes verden.
Ta kontakt med biblioteket for tinging
- Lillesøster skal tisse
- Vesle Pinne får besøk
- Ludde
- Gullhår og de tre bjørnar
- Emmas verksted
- Bø og bæ i festhumør
- Albert Åberg
- Den lille larven aldrimett
- Geitekillingen som kunne telle til ti
Bokkassar
Me lagar gjerne ein bokkasse til avdelinga di. Fortel kva du ønsker og kva alder bøkene skal passe til, så plukkar me eit utval til deg. Bokkassen kan de ha i 2-3 månadar, før den vert returnert og me lagar ein ny.
Lesekorken
Lesekorken er ein lesestimuleringskampanje for barnehagane. Kampanjen går anna kvart år. Neste gong er hausten 2025. For kvar bok som vert lesen, legg ein ein kork i ei krukke/ein kasse eller liknande. Den barnehagen som les flest bøker pr. barn vinn ein fin bokpremie. Med lesekampanjen ønsker me å setje fokus på kor viktig det er å lese for ungane i barnehagen.