Kva skjer?

Her finn du oppdatert informasjon om noko av det me kan tilby hausten 2019.

Sommarles-fest!

Tysdag 3. september kl 18 kjem dei kjekke og flinke musikarane til biblioteket, og inviterer til konsert og allsong frå Knutsen & Ludvigsen si verd!
Dei vil spela dei mest kjende songane, og kanskje nokre som er mindre kjende.

Her treff me dyr som me veit finnast, men også dyr som kanskje ikkje finnast – som elledillar og krokofantar. Fargeblinde fiskehandlarar og akterutsegla bestefedre kan også songane handla om. Det blir uansett ein konsert med mykje humor, glede og energi!

Ope for alle som har vore med på sommarles.no.
Passer for barn frå 5 år og oppover. Gratis

Pling Vaken!

Tysdag 29. oktober kl. 09.30 – barneteater

Vesle Klara får rett og slett ikkje til å sove, uansett kor mykje mora masar på henneom å gjere det. Ho gjer alt for å få sove, men ingenting hjelper. Uansett kva ho gjer, er ho like Pling vaken! Heller ikkje monsteret i skåpet hennar får sove, og det gjer det heller ikkje enklare for Klara.

Irene Ahnéll har med seg Mette Scarth Tønseth for å lage framsyning for borna av boka som Ahnéll har skrive saman med Elisabeth Moseng.

Programmet blir for 1.klassingane i kommunen.

Vigdis Hjorth til Fitjar folkebibliotek

Mandag 18. november kl 19.00

Med boka Fransk åpning (1992) fekk Vigdis Hjorth rykte på set som ein erotisk forfattar. Etter kvart har bøkene hennar vist at ho er mykje meir enn det. Minst like mykje handlar bøkene om grunnleggjande eksistensielle spørsmål.